शिरूर :- फिरोज सिकलकर
पाचदिवसीय स्वसंरक्षण कराटे प्रशिक्षण शिबिर व बेल्ट परीक्षा २७ ते ३१ डिसेंबर दरम्यान उत्साहात पार पडली. या शिबिरामध्ये शिरूरसह पुणे, निगोज व बारामती परिसरातून सुमारे १०० ते १२५ मुला-मुलींनी सहभाग नोंदवला.
शिबिरादरम्यान विद्यार्थ्यांना सकाळी ६ ते रात्री ८ वाजेपर्यंत विविध प्रकारचे शिस्तबद्ध प्रशिक्षण देण्यात आले. यामध्ये स्वसंरक्षण तंत्र, लाठी-काठी, तलवारबाजी, रायफल प्रशिक्षण, फाईट तंत्र तसेच संपूर्ण शरीरासाठी उपयुक्त व्यायाम प्रकारांचा समावेश होता. सुमारे १५ वेगवेगळ्या प्रशिक्षण पद्धतींचा अनुभव विद्यार्थ्यांना मिळाल्याने त्यांच्यात आत्मविश्वास वाढल्याचे चित्र दिसून आले.
या शिबिरासोबतच येलो बेल्टपासून ब्लॅक बेल्ट तसेच ब्लॅक बेल्ट ते फर्स्ट डिग्री (फर्स्ट दान) अशा विविध स्तरांच्या बेल्ट परीक्षा घेण्यात आल्या. सर्व विद्यार्थ्यांनी या परीक्षा यशस्वीरीत्या उत्तीर्ण केल्याने पालकवर्गामध्ये समाधान व्यक्त करण्यात आले.
त्याच बरोबर 5 ते 7 वर्ष मुलांनी अतीशय परीश्रम करूंन या सर्व बेल्ट परीक्षा मध्ये सर्वात मानचा बेल्ट म्हणजे तो होता ब्लेंक बेल्ट आणि डिग्री फस्ट दान ब्लेंक बेल्ट मध्ये 5 विद्यार्थी हे उत्तीर्ण झाले आहेत.
1 ) वैष्णवी नरे फस्ट दान ब्लेंक बेल्ट डिग्री
2 ) श्लोक रासकर फस्ट दान ब्लेंक बेल्ट डिग्री
3 ) आयुष शिंदे ब्लेंक बेल्ट
4 ) श्रीकृष्ण बोरुडे ब्लेंक बेल्ट
5 ) अर्जुन बोरुडे ब्लेंक बेल्ट
या प्रशिक्षण शिबिरासाठी ग्रेडमास्टर शेख सर तसेच प्रशिक्षक फैजान सर, आश्विनी ससाने, अनुजा गायकवाड, समीक्षा भाईक, सोयब शेख व चंद्रकांत करडीले यांचे मार्गदर्शन लाभले. विद्यार्थ्यांच्या सर्वांगीण विकासासाठी राबविण्यात आलेला हा उपक्रम कौतुकास्पद असल्याची प्रतिक्रिया पालकवर्गातून व्यक्त करण्यात आली.
