शिरूर : शिरूर तायक्वांडो किक बॉक्सिंग (I.T.K.B.) च्या विद्यार्थ्यांनी नेपाळ येथे झालेल्या आंतरराष्ट्रीय कराटे स्पर्धेत दमदार कामगिरी करत तब्बल १७ सुवर्ण आणि ९ रौप्य पदकांसह एकूण २६ पदके पटकावत महाराष्ट्रासाठी प्रथम क्रमांकाचा चषक जिंकण्यामध्ये मोलाची भूमिका बजावली आहे. या उल्लेखनीय यशामुळे शिरूरसह संपूर्ण पंचक्रोशीत विद्यार्थ्यांवर अभिनंदनाचा वर्षाव होत आहे.
नुकत्याच नेपाळमधील पोखरा येथे पार पडलेल्या इंटरनॅशनल कराटे स्पर्धेमध्ये महाराष्ट्रातून जवळपास १०० ते १२५ मुला-मुलींनी सहभाग नोंदवला होता. यामध्ये शिरूर तायक्वांडो किक बॉक्सिंग (I.T.K.B.) कराटे क्लासच्या सर्वाधिक विद्यार्थ्यांचा सहभाग होता. या विद्यार्थ्यांनी आपल्या कौशल्य, मेहनत आणि जिद्दीच्या बळावर आंतरराष्ट्रीय स्तरावर चमकदार कामगिरी करत महाराष्ट्राच्या संघाला प्रथम क्रमांकाचा मान मिळवून दिला.
सुवर्णपदक विजेते खेळाडू :
ग्रंथाली लटके, ओवी बोबडे, आरोही मोगरे, तनाज आत्तार, सृष्टी जगताप, समृद्धी महामुनी, गौरी वाखारे, हर्षल वाळुंज, दिव्यांका वाळुंज, वेदिका सपकाळ, श्रीजन रेड्डी, देवांश औटी, शौर्य लोंडे, कल्पक इसवे, श्लोक रासकर, साईराज गुगळे आणि सुहैब शेख यांनी सुवर्णपदक पटकावत देशाचा आणि शिरूरचा गौरव वाढविला.
रौप्यपदक विजेते खेळाडू :
स्पृहा जाधव, आदिती टोपे, विनया भंडारी, श्रीनिवास रेड्डी, भावेश वाखारे, शोयब शेख, अभय गुप्ता, श्रेणिक कोठारी आणि श्रेयश चिकने यांनी उत्कृष्ट कामगिरी करत रौप्यपदके जिंकली.
या सर्व विद्यार्थ्यांच्या यशामागे प्रशिक्षक ग्रँड मास्टर शेख सर आणि फैजान शेख सर यांचे मोलाचे मार्गदर्शन लाभले. त्यांच्या अथक परिश्रम, शिस्तबद्ध प्रशिक्षण आणि विद्यार्थ्यांवरील विश्वासामुळे हे आंतरराष्ट्रीय यश संपादन करता आले. या यशामुळे शिरूरच्या क्रीडा क्षेत्रात अभिमानाचे वातावरण निर्माण झाले आहे.
